Чехийн Прага хотын төвд байрлах их сургуульд зэвсэгт этгээд халдаж, үймээн болж буй тухай мэдээлэл цахим сүлжээнд түгж буй. Тодруулбал, Прага хотын төвийн Чарльзын их сургуульд халдлага гарсан бөгөөд зэвсэгт этгээд халдаж, их сургуулийн дотор багш, оюутнууд руу гал нээж эхэлжээ. Прага хотын цагдаагийн албаны мэдээлснээр цагдаагийн алба хаагчид халдагчтай буудалцсан бөгөөд халдлагын үеэр 11 хүн амиа алдаж, 30 орчим хүн шархдаад байгаа аж. Чехийн цагдаа, онцгой байдлын албаны мэдээллээр амиа алдсан 11 хүний дунд галт зэвсэгтэй их сургуульд халдсан этгээд багтаж байгаа бөгөөд цагдаагийн байгууллагын мөрдөн шалгах ажиллагаа үргэлжилж байгаа учир дэлгэрэнгүй мэдээлэл өгөөгүй талаар "France 24" агентлаг онцолсон байна.

Одоогийн байдлаар цагдаа, онцгой байдлын албанаас Чарьлзын их сургуулийг битүүмжлээд байгаа бөгөөд буудалцааны үеэр ойролцоох гудамж, талбайн иргэдийг нүүлгэн шилжүүлээд байсан аж.