Их Британид тогтоогдсон коронавирусийн шинэ хувилбар АНУ-ын Колорадо мужид бүртгэгдлээ. Шинэ коронавирус илэрсэн өвчтөн ойрын хугацаанд аялаагүй, одоогоор тусгаарлалтад байна. Мужийн эрүүл мэндийн мэргэжилтнүүд уг халдварыг хаанаас авсныг илрүүлэхээр ажиллаж буй аж. АНУ-д коронавирусийн халдвараар 19 сая гаруй хүн өвдөж, 337 мянган хүн нас бараад буй билээ. Шинэ хувилбар нь өмнөх хувилбарыг бодвол хурдан тархдаг ба одоогоор  Колорадо мужид илэрсэн хүний гэр бүлийнхнээс вирус илрээгүй байна хэмээн мэдээлжээ.