АНУ-ын Батлан хамгаалахын сайд Ллойд Остин өнгөрсөн амралтын өдрүүдэд БНСУ-д айлчилсан. Айлчиллын хүрээнд Ллойд Остин БНСУ-ын Ерөнхийлөгч Юн Сук Ёол болон бусад албаны хүнтэй уулзаж, хэлэлцээ хийсэн бөгөөд Ерөнхийлөгчийн гэрт зочилж, хамт оройн зоог барьсан талаар олон улсын хэвлэлүүд мэдээлж байгаа. Тэгвэл оройн зоог барих үеэр АНУ-ын Батлан хамгаалахын сайд Ллойд Остин БНСУ-ын Ерөнхийлөгч Юн Сук Ёолд “ХАМАС”-ын тактиктай төстэй Хойд Солонгосын гэнэтийн дайралтаас сэрэмжтэй байхыг анхааруулсан талаар “BBC” агентлаг мэдээлжээ.

                           Өнгөрсөн сард Палестины “ХАМАС” террорист байгууллага Израилд халдсанаас хойш Өмнөд Солонгосын эрх баригчид, цэргийн хүчний дарга, захирагчид Пёньяны нөхцөл байдлыг харьцуулах болсон. Үүнтэй ч холбоотойгоор БНСУ-ын зэвсэгт хүчний штабуудын дарга нарын нэгдсэн хороо хуралдаад байв. Харин АНУ-ын Батлан хамгаалахын сайдын өгсөн мэдээлэлтэй холбоотойгоор Өмнөд Солонгос энэ ач холбогдолд илүү анхаарч, гэнэтийн дайралтад сэрэмжтэй байх, хамгаалалтаа чангаруулах зэрэг арга хэмжээ авч байгаа юм байна.