Бельгийн шигшээ багийн ахлагч асан хөл бөмбөгч Эден Азар албан ёсоор зодог тайлж буйгаа зарлалаа.

                        Өдгөө 32 настай Эден Азар 16 жил мэргэжлийн хөл бөмбөгийн лигт тоглосон бөгөөд 2007-2012 онд Францын “Lille” клубийн төлөө 147 тоглолтод оролцож, 36 гоол, 2012-2019 онд Английн “Chelsea” клубийн төлөө 245 тоглолтод оролцож, 85 гоол, 2019-2023 онд Испанийн “Real Madrid” клубийн төлөө 54 тоглолтод оролцож, дөрвөн гоол, Бельгийн шигшээ багийнхаа төлөө 126 тоглолтод оролцож, 33 гоол оруулсан байдаг. Тэрбээр өнгөрсөн 2022 онд Катарт зохион байгуулагдсан хөл бөмбөгийн дэлхийн аварга шалгаруулах тэмцээний дараа бэртэл, гэмтлийн асуудлаас шалтгаалан шигшээ багаасаа зодог тайлсан. Харин өнөөдөр мэргэжлийн хөл бөмбөгөөс зодож тайлж байгаагаа албан ёсоор зарлав.

Бельги шидтэн хэмээн үзэгч, дэмжигчдэдээ хүндлэгдсэн нэрт хөл бөмбөгч Эден Азарын амжилтуудаас дурдвал,

ФРАНЦЫН “LOSC LILLE” КЛУБ:

• Францын “Лиг-1”-ийн аварга                       х1
• Францын цом                                                х1
• “Лиг-1”-ийн оны шилдэг тоглогч                 х2

АНГЛИЙН “CHELSEA” КЛУБ:

• Английн “Премьер лиг”-ийн аварга            х2
• Английн цом                                                  х1
• “Премьер лиг”-ийн оны шилдэг тоглогч     х1
• Английн “FA Cup” аваргын цом                    х1
• “Европа лиг”-ийн аварга                                х2

ИСПАНИЙН “REAL MADRID” КЛУБ:

• Испанийн “Ла лиг”-ийн аварга                    х2
• Испанийн цом                                               х1
• Испанийн супер цом                                    х1
• “Аваргуудын лиг”-ийн аварга                      х1
• UEFA супер цом                                             х1
• Клубуудын дэлхийн аварга                           х1

БЕЛЬГИЙН ШИГШЭЭ БАГ:

• 2018 оны дэлхийн аварга шалгаруулах тэмцээний хүрэл медаль
• Дэлхийн аваргын шилдэг тоглогчийн мөнгөн цом