Их Британийн Батлан хамгаалахын нарийн бичгийн дарга өнгөрсөн долоо хоногт цэргүүдээ Украин руу илгээж, байршуулах талаар “Telegraph” сонин мэдээлээд байсан. Тэгвэл Их Британийн Ерөнхий сайд Риши Сунак “Sky News” телевизэд өгсөн ярилцлагадаа “Их Британи цэргүүдээ Украин руу явуулахгүй” хэмээн мэдэгджээ. Ерөнхий сайд Риши Сунак “ОХУ, Украины мөргөлдөөнд манай талаас оролцож, дайнд оролцохоор илгээх цэрэг байхгүй. Батлан хамгаалахын нарийн бичгийн дарга Их Британийн цэргүүд хэзээ нэгэн цагт Украинд очиж, цэргүүдэд сургалт өгөх боломжтой байж магад гэж хэлсэн. Гэхдээ энэ өнөө, маргаашгүй болох зүйл биш. Урт хугацааны асуудал” гэсэн байна.

                                      Мөн Их Британийн цэргүүд Украинд байрлаж болзошгүй мэдээлэлтэй холбоотойгоор ОХУ-ын Ерөнхийлөгч асан Дмитрий Медведев “Хэрэв Британийн цэргүүд Украинд очих юм бол Оросын армийн бай болох болно” хэмээн мэдэгдээд байгаа аж.