АНУ коронавирусийн эсрэг вакциныг яаралтай хэрэглээнд оруулах арга хэмжээ авч байна. Хүнс болон эмийн хэрэг эрхлэх газраас Модерна вакциныг хүлээн зөвшөөрч, шуурхай олон нийтэд тарих арга хэмжээ авч эхэллээ. АНУ-д энэ долоо хоногийн эхээр гэхэд коронавирусийн халдвараар нас барагсдын тоо 300 мянгад хүрсэн тул яаралтай арга хэмжээ авч, дараагийн вакциныг хэрэглээнд оруулах арга хайж буй билээ. Модерна вакцин нь 94 хувийн эерэг нөлөө үзүүлж буй ба яаралтай үед хэрэглэх зөвшөөрөл олгож,200 сая тунг хэрэглээнд оруулахаар хэлэлцсэн ба эхний ээлжид зургаан сая тунг тээвэрлэхэд бэлэн болоод буй аж.