Армени, Азербайжаны хилийн заагт оршдог Нагорно-Карабах нутгийн төлөөх мөргөлдөөн хоёр орны дунд хэдэн жилийн турш үргэлжилсэн. Тэгвэл өнгөрсөн өдөр талууд гал зогсоох тохиролцоонд хүрч, Нагорно-Карабахын мөргөлдөөн эцэс болж байгааг мэдэгдсэн байна.

                           Гал зогсоох тохиролцоонд хүрсний дараа Арменийн хүний эрхийн байгууллагаас Нагорно-Карабах нутгийн мөргөлдөөнд 200 гаруй хүн амиа алдаж, 400 гаруй хүн бэртэж, гэмтсэн талаар мэдээлсэн ч Азербайжаны талаас үгүйсгэжээ. Харин болж байгаа үйл явдалтай холбоотойгоор Армени Улсын иргэд нийслэл Ереван хотод Ерөнхий сайд Никол Пашиняныг огцрохыг шаардан эсэргүүцлийн жагсаал зохион байгуулж байгаа аж.

Ташрамд дурдахад, хоёр орны хилийн заагт оршдог Нагорно-Карабах нутагт Арменийн 120 мянга гаруй иргэн оршин суудаг ч олон улсын хууль тогтоомжоор Азербайжан Улсын харьяа гэж үзэж байсан юм байна.