Пакистаны зүүн хэсэгт орших Жаранвала хотод христийн шашинтай хоёр хүн исламын шашны ариун ном гэгддэг Коран судрын хуудас урсан хэрэгт буруутгагдаад байсан. Тэгвэл “Христийн шашинтан Коран судрыг бузарласан” гэж Жаранвала хотын лалын шашинтны бүлэглэл тус хотод байрлах олон христийн шашны сүм, хийдүүд рүү халдаж, шатаасан хэрэг гарчээ. Олон тооны сүм, хийд шатаасан хэрэгтэй холбоотойгоор хууль, хүчний байгууллагаас лалын шашинтны нэр нь тодорхойгүй бүлэглэлийн 100 гаруй хүнийг баривчлаад байгаа аж.

Ташрамд дурдахад, исламын шашны ариун ном гэгддэг Коран судрын хуудаснаас урсан гэж хоёр иргэнд цаазаар авах ял ногдуулаад байгаа юм байна.