Хар салхины улмаас гал гарсан гэж урьдчилсан байдлаар тогтоогдоод байгаа Хавай арлын түймэрт Мауи мужийн түүхэн дурсгалт Лахайна гэх хот шатсан талаар олон улсын хэвлэлүүд мэдээлж байна. Тус мужаас сонгогдсон АНУ-ын сенатч Брайан Шатзын мэдээлснээр Лахайна хот бараг бүхэлдээ шатсан бөгөөд түймэрт зургаан хүн амиа алдаад байгаа аж.

               Хавай арлын Мауи муж нь 12 мянга гаруй хүн амтай. Орон нутгийн хэвлэлийн мэдээлснээр боомт дээрх онгоц, завь бүгд шатаж иргэдийг нүүлгэн шилжүүлэхэд хүндрэлтэй болж байгаа бөгөөд мужийн эмнэлэг галд түлэгдсэн иргэдийг хүлээн авч, ачаалал өндөр байгааг онцолжээ. Зарим хүн түймрээс зугтаж далай руу үсэрснийг эргийн хамгаалалтын албаныхан олж, амийг нь авраад байгаа юм байна.