Португалийн Одемира хотод өнгөрсөн долоо хоногийн турш цельсийн 40 хэмээс дээш халжээ. Өнгөрсөн даваа гараг гэхэд цельсийн 46.6 хэм хүрч, хэт халалтын улмаас ой хээрийн түймэр гарсан байна. Одемира хотын ойролцоо гарсан түймрийг унтраахаар 800 гаруй алба хаагч ажиллаж байгаа бөгөөд ажиллагааны үеэр есөн гал сөнөөгч түлэгдэж, бэртээд байгаа гэнэ. Мөн галд өртөж болзошгүй бүсийн 19 тосгон, дөрвөн зуслангийн газраас 1400 гаруй иргэнийг нүүлгэн шилжүүлээд байгаа аж.