ОХУ, Украины дайн эхлэх үеэр буюу 2022 оны гуравдугаар сард Уман хотоос эхнэр, хүүхдүүдээ гадаад руу зугтаалгаж, гэртээ үлдсэн эр 18 сарын дараа гэр бүлийнхэнтэйгээ уулзжээ.

                             Жениа гэх украин эрийн гэр бүл ОХУ, Украины дайн эхлэхээс өмнө Украины Уман хотод аж төрж байжээ. Гэсэн ч ОХУ цэргүүдээ Украин руу оруулахад гэрийн эзэн эхнэр, хүүхдүүдээ хил гаргаж, зугтаалгаад өөрөө гэрээ сахиж үлдэхээр шийдсэн аж. Улмаар Оросын армийн хүчин ирэхээс өмнө эхнэр, хүүхдүүдээ дагуулж, Львоьвын галт тэрэгний буудлаас Польш руу явах галт тэргэнд суулгаж, гэр бүлийнхнээсээ салжээ. Харин гэрийн эзэгтэй Оксана хоёр хүүхдийн хамт Польшд очоод хүмүүнлэгийн ажил явуулж, амьдралаа залгуулж, бусдад ч тусалж байсныг НҮБ-ын Хүүхдийн сан цахим хуудсаараа дамжуулан мэдээлсэн байна. Улмаар олон улсын хүний эрх, хүүхдийн эрхийн төлөөх байгууллагууд Жениагийн гэр бүлийн эргэн уулзуулахаар идэвхтэй ажилласны эцэст уулзуулж чадсан аж.

Эхнэр, хүүхдүүдтэйгээ эргэн уулзсан гэрийн эзэн Жениа  “Үнэхээр баяр, аз жаргалтай байна. Львовын галт тэрэгний буудлаас салснаасаа хойш 18 сарын дараа уулзлаа. “Эргэж уулзвал хэлнэ дээ” гэж бодож байсан үг байсан ч амнаас гарахгүй байна” хэмээн сэтгэгдлээ илэрхийлжээ.