Хөлсний цэргийн “Вагнер” бүлэг ОХУ-ын Ростовын цэргийн штаб тэргүүтэй хэд хэдэн газар хяналт тогтоож, шаардлага тавьсаныг ОХУ-ын эрх баригчид зэвсэгт бослого гэж тодотгоод байсан үе өнгөрөөд сарын хугацаа өнгөрчээ. Гэсэн ч ОХУ-ын Ерөнхийлөгч Владимир Путин “Араас нь хутгалсан” “Вагнер”-ын удирдагч Евгений Пригижоноос өшөө авахыг хүссэн хэвээрээ байж магад” хэмээн АНУ-ын Тагнуулын төв газрын дарга Уильям Бөрнс мэдэгдсэн байна. Тагнуулын төв газрын дарга Уильям Бөрнсийн хэлж байгаагаар “Вагнер”-ын зэвсэгт бослого ОХУ-ын Ерөнхийлөгчийн томоохон сул талыг илчилсэн бөгөөд үүнийг хийснийх нь хариуг В.Путин мартахгүй гэж мэдэгдсэн аж.

Ташрамд дурдахад, “Вагнер”-ын зэвсэгт бослогын дараа Оросын армийн генерал Валерий Герасимов тэргүүтэй хэд хэдэн генерал сураггүй болсон бөгөөд ОХУ-ын хууль, хүчний байгууллагаас армийн генерал Сергей Суровикинийг баривчлаад байсан юм.