Энэтхэг Улсын албаныхан үл мэдэгдэх өвчнийг судалж буй бөгөөд өнгөрсөн амралтын өдрүүдэд 140 гаруй хүн уг өвчнөөр өвчилжээ. Андрапрадеш дахь Элүрү тосгоны эмнэлэгт хүргэгдсэн өвчтөнүүдэд толгой эргэх, ухаан санаа орж гарах өвчний шинж тэмдэг илэрч байна. Орон нутгийн хэвлэл мэдээллийн мэдээлснээр өвчтөнүүдийн коронавирусийн шинжилгээ нь бүгд сөрөг гарчээ. Элүрүгийн Засгийн газрын хэвлэл мэдээллийн төлөөллөгч "Энэхүү өвчнөөр өвдсөн хүмүүс, тэр тусмаа хүүхдүүд "Нүд шатаж байна" гэж хэлсний  дараа бөөлжиж эхэлж байна. Зарим өвчтөний царай нь цонхийж, таталт өгөх, түр хугацаанд ухаан санаагаа алдах шинж тэмдэг илэрч байна. Тийм хэдий ч олонх нь эмнэлэгт очсон даруйдаа сэргэж, эмнэлгээс гарч байна" хэмээн мэдээлжээ.  Эмнэлгийн салбарынхан цусны дээжээс шинжилгээ авахад халдварын шинж тэмдэг илрээгүй байна.

Засгийн газар "Агаар болон усны бохирдлыг бууруулсан" гэж мэдэгдсэн ч Телүгү Дэсам намынхан уг мэдэгдлийг эсэргүүцэн "Энэ хэрэг явдлыг нарийвчлан үзэх шаардлагатай. Орчны бохирдол нь уг өвчний үндэс" гэж үзжээ.