Япон Улсад коронавирусийн тохиолдол дөрвөн хоног дараалан өмнө байгаагүй дээд хэмжээндээ хүрчээ. "Өнгөрсөн бямба гарагт 2508 тохиолдол бүртгэгдлээ" хэмээн Японы эрүүл мэндийн яам мэдээлжээ. Япон Улсад нийт 130,891 тохиолдол бүртгэгдээд байгаа ба өнгөрсөн бямба гарагт нас барсан хүний тоо 11-ээр нэмэгдэж, коронавирусээр нас барсан хүний тоо 1871-т хүрчээ. Японы ерөнхий сайд Ёшихидэ Суга "Бид голомтлон тархсан газруудад арга хэмжээ авч, аялал болон үйл ажиллагаануудыг зогсоох арга хэмжээ авах болно. Ирэх долоо хоногт түр хугацаанд үйл ажиллагаа зогсоох газар болно цэгүүдийг мэдэгдэх болно" хэмээжээ.

Бямба гарагт буюу нэг өдрийн дотор Японы нийслэл Токио хотод 539 тохиолдол, хоёр дахь том хот болох Осакад 415 шинэ тохиолдол бүртгэгдсэн нь өмнө нь байгаагүй хамгийн дээд хэмжээндээ хүрээд байна.