Гуравдугаар сарын 2-ны өдөр цахим ертөнцөд өөрийгөө жүжигчин Жи Сү-гийн жүжигчний ангийн найз гэж танилцуулсан хэрэглэгч “Жи Сү сургуульдаа танхай, бусдыг дээрэлхдэг нэгэн байсан. Тэрбээр их хүүхэмсэг  байсан бөгөөд ариун цэврийн өрөөнд өсвөр насны охинтой бэлгийн харилцаанд орсноо утас дээрээ бичиж авч, найзуудтайгаа үзэж инээлддэг байсан” гэсэн ноцтой мэдээг түгээжээ. Тэрбээр энэ явдал 2006-2008 онд болсон гэв. Одоогоор ахлах ангидаа Жи Сү-д дээрэлхүүлдэг байсан гэх гурван хохирогч байна. Энэхүү мэдээллийн дараа Жи Сү-г шүүхэд дуудсан байна.

Уг мэдээллийг жүжигчин Жи Сү үгүйсгээгүй бөгөөд “Өмнө үйлдсэн бүх буруутай үйлдэлдээ гэмшиж байна” хэмээн өөрийн гараар уучлал хүссэн захидал бичжээ.