Америкийн реппер Трэвис Скотт өнгөрсөн шөнө согтуурч, танхайрсан хэргээр цагдаад баривчлагджээ. Тодруулбал, өнгөрсөн шөнө 01:45 цаг орчимд реппер Трэвис Скотт Майами хотын эрэгт дарвуулт завьтайгаа аялж байхдаа согтууруулах ундаа хэтрүүлэн хэрэглэсэн үедээ бусдад танхайрч, доромж утгатай үг хэрэглэж, олон нийтийн тайван байдал алдагдуулсан хэргээр баривчлагдсан байна. Цагдаагийн офицеруудын мэдээлснээр албан хаагчдын шалгалт хийсэн газар гэрчүүдийн мэдүүлэгтэй таарч байгаа бөгөөд нэрт реппер энэ сарын 28-нд Европын аялан тоглолтоо эхлүүлэх байсан ч цагдаад баригдсантай холбоотойгоор бүх тоглолтод өөрчлөлт орж болзошгүй нөхцөл байдалтай болж буйг гаднын хэвлэлүүд бичжээ.

Реппер Трэвис Скотт нь өнөө цагийн хамгийн их хандалттай репперүүдийн нэг бөгөөд дуу хөгжмийн шилдэг бүтээл шалгаруулах “Грэмми”-ийн шагналд 10 удаа нэр дэвшиж байсан юм.