Английн дуучин Харри Стайлсыг нууцаар дагаж, захидал илгээж байсан эмэгтэй фэнийг баривчилж, хорих ял ногдуулжээ. Тодруулбал, Майра Карвалю гэх эмэгтэй дуучин Харри Стайлсыг нууцаар дагаж, сар орчмын хугацаанд 8000 захидал, ил захидал, хуримын санал илгээсэн байна. Харин хууль, хяналтын байгууллагаас эмэгтэйн баривчилж, шалгалтын ажиллагаа явуулсан бөгөөд шүүхээс Майра Карвалюд 98 хоногийн хорих ял ногдуулжээ.

                              Мөн Лондон хотын Хендон дүүргийн шүүх Харри Стайлсыг нууцаар дагаж, мөрдөж байсан эмэгтэйг шүүж, 14 долоо хоног буюу 98 хоногийн турш хорих, 10 жилийн хугацаанд дуучны тоглолт, арга хэмжээнд биеэр оролцохгүй байх шийдвэр гаргасан байна. Түүнчлэн фэн эмэгтэй 134 фунт стерлингийн торгууль төлөх аж.

Ташрамд дурдахад, дуучин Харри Стайлсыг нууцаар мөрдөж, захидал илгээсний улмаас хорих ял сонссон Майра Карвалю гэх эмэгтэй нь Бразил Улсын иргэн бөгөөд өнгөрсөн 2023 оны арванхоёрдугаар сард Их Британид очсон юм байна.