Дэлхийн хамгийн алдартай сошиал инфлюенсерүүдийн нэг, холимог тулаанч, кокбоксын дэлхийн аварга асан Эндрю Тейт дахин хүчин, хүний наймаа, бэлгийн мөлжлөгийн хэргээр баривчлагджээ. Тухайлбал, сошиал од Эндрю Тейт болон түүний дүү Тристан Тейт нарыг хоёр жилийн өмнө буюу 2022 онд удаа дараагийн хүчингийн хэрэг, хүний наймаа, бэлгийн мөлжлөгийн хэргээр Румыны хууль, хяналтын байгууллага баривчилсан байдаг. Ах, дүү Тейт болон тэдний өмгөөлөгч прокуророос буруутгасан хэргийг няцааж байсан ч ийн дахин баривчлагдсан байна. Прокуророос Эндрю Тейт, Тристан Теат нарыг дөрвөн зүйл ангид буруутган яллагдагчаар татжээ.

Сошиал инфлюенсер Эндрю Тейт нь цахим хаягаараа дамжуулан жендэрийн тэгш байдал, эрэгтэй, эмэгтэй хүмүүсийн үзэл санааны тухай влог хөтөлдөг зөвхөн “X” сүлжээнд гэхэд 8.9 сая дагагчтай. Харин тэрбээр хүчин, хүний наймаа, бэлгийн мөлжлөгийн хэрэгт буруутгагдсанаас хойш хандалт, дагагчийн тоо нь бага багаар буурч байгаа гэнэ.