Францын нэрт жүжигчин Ален Делон гэрт цагдаагийн байгууллагаас шалгалт хийж, зөвшөөрөлгүй эзэмшиж байсан гэлт зэвсэг, сумыг хураан авчээ. Тодруулбал, жүжигчин Ален Делоны Парисаас өмнө зүгт орших Души-Монкорбон дахь гэрээс цагдаа нар 72 галт зэвсэг, 3000 гаруй сум хураан авсан байна. Прокурорын мэдээллээр нэрт жүжигчин буу эзэмших зөвшөөрөлгүй байсан аж.

                         Ален Делон XX зууны дунд үеэс жүжигчний гараагаа эхэлж, “Zorro”, “Le Samouran”, “The Leopard” зэрэг кинонд дүр бүтээж, 60 гаруй жил кино урлагт зүтгэхдээ Европын хамгийн алдартай жүжигчдийн нэг болсон байдаг. Тэрбээр хамгийн сүүлд 2019 онд Каннын кино наадамд оролцож Palme d'Or шагнал хүртсэн бөгөөд шагнал гардуулах ёслолоос хойш нэрт жүжигчний тархинд цус харваж, биеийн байдал нь эрс муудсанаас хойш олон нийтийн өмнө гараагүй юм.