Солонгосын "Crush Landing On You" цувралаар Монголын үзэгчдэд танигдсан жүжигчин Хён Бин, Сун Е Жинь нарын талаар сонирхолтой баримтуудыг хүргэж байна. Уг романтик цуврал гарсан даруйдаа шуугиан тарьсан төдийгүй энэ сарын эхээр цувралын гол дүрийн хоёр жүжигчин үерхэж буй мэдээ олны анхаарлыг татаад байгаа билээ.Тэгвэл тэдний талаарх сонирхолтой мэдээллийг хүргэж байна.

Жүжигчин Хён Бин 

Жинхэнэ нэр: Ким Тэ Пён 

Төрсөн он сар өдөр: 1982 оны есдүгээр сарын 25

Төрсөн газар: Жамсил дон, БНСУ

Нас: 39

Өндөр:184 см

Жин: 72кг

Цусны бүлэг: Б бүлгийн цустай

Орд: Жинлүүр 

Гэр бүл: Аав, ээж, ах

Сургууль: Чун Ан их сургуулийн театрын сургуульд Магистрын зэрэг хамгаалсан. 

1. Хён Бин 2006 онд жүжигчин Хуан Жи Хёнтэй зураг авалтаар танилцан  үерхэж байсан ч удалгүй салжээ.

 2. Бидний мэдэх "Амьдралын ээдрээ", "Нарны үр сад", "Миний байшин" зэрэг цувралаар алдаршсан жүжигчин Сун Хе Гютэй 2009 онд үерхэж буйгаа зарласан ч жилийн дараа цэрэгт явах болсноор салсан байна. 

3. Жүжигчин Кан Со Ратай 2017 онд үерхэж буйгаа зарласан ч 2019 онд завгүй хуваариас болж салсан байна. 

4.  Хён Бин цагдаа болохыг хүсдэг байсан ч сургуулийнхаа театрын клубт элссэнээр жүжиглэх урлагт улам дурлажээ. 

5. Хён бин "Сайхан сэтгэлтэй, сайхан гартай, хоолонд сайн, хамтдаа байхад тайван байдаг, түүний мэргэжлийн ойлгодог бүсгүй л миний мөрөөдлийн эмэгтэй.  Дуулиан дэгдээгээд өнгөрөхөөс илүү нандин харилцааг эрхэмлэдэг" гэж нэг ярилцлагадаа өгчээ.

6. Тэрбээр бесболлын тоглогч төдийгүй усанд сэлэлт, бокс, гольф болон бие хамгаалах урлагаар хичээллэдэг олон төрлийн авьяастай.

7. Анх сургуулийнхаа театрын клубд элссэн цагаас буюу 12-р ангийн сурагч байх үеэсээ жүжиглэж эхэлжээ.

8. Түүний жүжигчний карьер нь 2003 онд "Бие хамгаалагч" киногоор эхэлсэн ч "Миний нэр Сам Сун" киноны дүрээрээ үзэгчдийн хайрыг татжээ. 

9. "Нууц цэцэрлэгт хүрээлэн" киноо түүний од болох замыг нээжээ. Гэвч амьдрал дээр энэ киноны дүрээсээ өөр, илүү дотогшоо талын хүн гэжээ. 

10. 2011-2012 онд цэрэгт явсан. Энэхүү туршлага нь "Crush landing on you"-д тоглоход нөлөөлсөн байна.

11. 2021 онд "Crush Landing on you" кинонд хамтран тоглосон Сунь Е Жиньтай үерхэж буйгаа зарласан билээ.

Жил болгоны эхний өдөр Солонгосын мэдээллийн "Dispatch" агентлаг оддын дуулиант мэдээ цацдаг уламжлалтай. Энэ жилийн эхний өдөр Хён Бин, Сунь Е Жинь нар үерхэж буйг зарлаж дуулиан тарив. Энэ талаар Хён Бин "Анх кино төсөлд хамтран ажиллаж, кино зураг авалт дууссан ч нэг нэгэндээ сэтгэл татагдаж байгаагаа мэдсэн. Түүнээс хойш харилцаагаа илүү гүнзгийрүүлж хайр дурлалын харилцаатай болсон" хэмээн зарлажээ.

Жүжигчин Сун Е жинь

Нэр: Сун Е Жинь 

Төрсөн он сар өдөр: 1982 оны нэгдүгээр сарын 11

Орд: Матар

Өндөр: 165 см

Жин: 45 кг

Төрсөн газар: Сусонг дүүрэг, Дэгү хот, БНСУ

Төгссөн сургууль: Сөүлийн урлагийн институт

Цусны бүлэг: А бүлгийн цустай

 1. Сун Е жинь 18 настайдаа "Нууцхан нулимс" киногоор жүжигчний карьераа эхлүүлж байжээ.

 2. 2003 онд "Классик" киногоор од болох замналаа тавьсан ба уг киногоор "Үндэстний анхны хайр" хэмээн нэрлэгдэж байжээ. 

3. "Cruch Landing On you" Хён Бинтэй анхны хамтарсан уран бүтээл биш.

2018 онд "Хэлэлцээр" бүтээлд хамтран тоглоход тэднийг үерхэж байна гэсэн шуугиан гарсан ч агентлаг няцааж, тэднийг сайн найзууд хэмээсэн байна.

4. Өнгөрсөн 20 жилийн турш түүний үерхэл, хайр сэтгэлийн талаар нэг ч мэдээ гарч байгаагүй байна. 

5. Сун Е Жинь бүтэн биеийн тэсвэрийн дасгалаар 10 жил хичээллэж байна.

Хэрэв түүнийг "Crush Landing on you" кинонд хурдан гүйж байхыг нь харсан энэ бол 10 жил хичээллэсний үр дүн. 

6. Өөрчлөлтөд тийм ч дуртай биш.

Тэрбээр нэг фитнессдээ 10 жил, нэг үсчиндээ 15 жил, маркетингийн агентлагтаа 19 жил үнэнч байна.

7. Аялал амьдралынх нь нэг хэсэг. 

Сун Е Жинь аялал бол өөрийгөө нээх шинэ арга гэж үздэг бөгөөд дэлхийг тойроход амьдралынхаа талыг үрсэн гэжээ. 

8. Юн Сэ Ригийн дүрийг бүтээхийн тулд инээдмийн цуврал үзсэн.

"Crush Landing On You"-гийн Юн Сэ Ригийн дүрийг бүтээхийн тулд маш олон инээдмийн цуврал үзэж, судалгаа хийх хэрэгтэй болсон талаар дурджээ.

9. Мэс засалд орж байгаагүй.

Тэрбээр мэс засалд орж байгаагүй ба  байгалийн унаган төрхөөрөө "Crush Landing On You"-д тогложээ. Нүүр будагч нь "Түүний уруулыг будах шаардлага байгаагүй. Учир нь түүний уруул будсан мэт улаан байсан" гэжээ.

9. Коронавирус Дэгү хотод тархахад 100 сая вон хандивласан.

Өнгөрсөн онд Дэгү хотод буюу түүний төрсөн нутагт тахал нүүрлэхэд 100 сая вон хандивлаж байжээ. 

10. 2021 онд жүжигчин Хён Бинтэй үерхэж буйгаа зарласан ба тэд өнгөрсөн гуравдугаар сараас үерхэж эхэлжээ.

Тэрбээр анх удаа хүнтэй үерхэж буйгаа зарласан бөгөөд "Анх удаа миний хувийн амьдралын талаар цацагдаж буй ч яагаад ч юм ичээд байна. Сайн хүнтэй учирсандаа үнэхээр баяртай байна. Би хичээнэ ээ" хэмээн  өөрийн инстаграмдаа бичжээ.