Шотланд Улсын Данди хотын иргэн 102 настай Жорж МакПерсонд хөршүүд нь " Манай гудамжны хамгийн хайр татам нэгэн" хэмээн өргөмжилж, гудамжиндаа зөвхөн түүнд зориулсан зул сарын баярын үзүүлбэр толилуулсан байна. Данди театрын хамт олон энэ жилийн зул сарын тоглолтыг театрт биш, гудамжинд онцгой нэгэнд зориулан бэлджээ. "Зул сарын дуулал" жүжгийн хэсгээс 15 минутын турш тоглосон байна. Жорж уг тоглолтыг үзээд "Хэлэх ч үг олохгүй байна. Би ийм зүйл огт хүлээгээгүй. Үнэхээр гайхалтай" гэжээ. Энэхүү үзүүлбэр нь Данди театрын долоон хүний бүрэлдэхүүнтэй үзүүлж буй анхны тоглолт аж. Данди театрын найруулагч Андрей Пантон "Энэхүү харанхуй цаг үед бидний бэлдсэн бэлэг театрын оч, эрч хүчийг санагдуулсан, гэрэл гэгээ өгсөн явдал болж байна. Бид театраа хааж, хүмүүсийг битгий ирээрэй гэж хэлэх нь бидний зорилгын эсрэг зүйл байлаа. Учир нь олон төрлийн хүнийг угтаж авах нь бидний зорилго" хэмээжээ.