Энэ дэлхийд өндрөөр үнэлэгдэх бүтээлүүд цөөнгүй билээ. Тэдний дунд үе дамжин ирсэн алдар суут зураачдын зурсан уран зургуудыг мартаж болохгүй юм.Тэгвэл та бүхэндээ дэлхийн хамгийн алдартай уран зургуудыг танилцуулж байна.

The Mona Lisa

Алдарт зураач Да Винчи тус бүтээлээ өөд болохынхоо өмнөхөн буюу 1504 онд зуржээ. Мона Лиза уран зураг нь Францын алдарт Луврын музейд хадгалагддаг бөгөөд жил бүр гагцхүү энэ зургийг үзэхийн тулд зургаан сая хүн музейг зорьдог байна.

Starry Night

 Нидерландын алдарт зураач Винсент Ван Гог “Одтой шөнө” зургийг 1889 онд бүтээж байжээ. Ван Гог одтой шөнөө зурахдаа бидний харж буй бодит ертөнцөөс илүү төсөөлөн бодож болох гайхалтай ертөнцийг бүтээхийг зорьжээ. Энэхүү алдарт бүтээл нь Нью-Йоркийн музейд хадгалагддаг.

The Scream

Эдвард Мунк зураачийн “Хашхираан” бүтээлийг тосон болон пастел ашиглан  1893 онд зуржээ. “Хашхираан” уран зураг нь  дөрвөн хувилбартай. Хоёр хувилбарыг нь тосон будгаар, хоёрыг нь пастелаар бүтээжээ. Мунк –ийг сэтгэлзүйн хувьд нэлээн тогтворгүй нэгэн байсан гэх яриа бий бөгөөд түүнийг сэтгэл доторх зовлон шаналлаа бүрэн илэрхийлэхийн тулд нэг зургийг ингэж олон дахин зурсан гэх яриа байдаг байна.

Girl with a Pearl Earring

Голландын зураач Иоханнес Вермеерийн энэхүү сэтгэл татам уран зураг нь ойролцоогоор 1665 онд зурагдаж дуусжээ. Одоо энэхүү  бүтээлийг Гааг дахь Маврицшуйсийн галерейгаас үзэх боломжтой.

The Kiss

Густав Климт өөрийн хамгийн алдартай уран зураг болох “Үнсэлт”-ийг 1908 онд зурж дуусгажээ. Энэ зургийг зурахад геометрийн дүрс болон алтан навч, тосон будгаар зурж бүтээжээ.

The Creation of Adam

Сэргэн мандалтын үеийн алдарт зураач Микеланжело тус зургийн дөрвөн жилийн турш буюу 1502-1512 оны хооронд зурж дуусгажээ. Тэрээр хүн бурхан хоёрыг нийлэх боломжгүй хэмээн үзэж Адам бурхан хоёрын гарыг нийлүүлэлгүй саланги зурсан байна. Одоо уг бүтээл Ромын музейд хадгалагддаг.