К-поп ертөнцөд анх удаа өнгөт арьст гишүүнтэй хамтлаг төрөн гарч буй нь олныг шуугиулаад байна. “DR-entertainment”-ийн охидын хамтлаг болох “Black Swan” буюу “Хар хун” хэмээх хамтлаг нь таван гишүүнтэй бөгөөд энэ сарын 16-ны өдөр “Tonight” гэх уран бүтээлээр анхны гараагаа  хийсэн юм. Тус хамтлагийн  гишүүн Фатоу Самба нь 1995 онд Синегал улсад төрсөн,  к-попын түүхэн дэх анхны  өнгөт арьст гишүүн.

Сонсогч, үзэгчдийн анхаарал  тус хамтлагийн гол реппер шинэ гишүүн Фатоу дээр төвлөрч байгаа ба түүнийг хамтлагийн “маркетинг” хэмээн дүгнэж буй хүмүүс цөөнгүй байгаа юм.

Фатоу “Би Сенегалд төрж Бельгид өссөн. Одоогоор Солонгост амьдарч байна. Би өөрийнхөө тухай маш олон зүйл ярих хэрэгтэй байгаа хэдий ч чухам юунаас эхлэхээ сайн мэдэхгүй байна. “Black Swan” хамтлагт орсон маань миний хувьд маш том амжилт юм. Үүнийг дагаад маш том хариуцлага ирж байгаа болохоор би их сандарч байна” гэж бичсэн захидалдаа онцолжээ.

Тэрбээр дуулахаас гадна фото моделийн салбарт  чамгүй амжилт гаргаж яваа  нэгэн юм.