БНХАУ-ын ӨМӨЗО-ны Ганц мод боомт хилээ 14 хоногийн хугацаатай хаажээ. Энэ тухай Монгол Улсаас нэрээ нууцалсан эх сурвалж “Дөрөвдүгээр сарын сүүлчээс хойш Монгол Улсын 11 нүүрс тээврийн автомашины жолоочийн коронавирусийн шинжилгээний хариу эерэг гарсан. Тэдний нэг нь БНХАУ-ын хилээр найман удаа орж, гарсан байсан” хэмээн мэдээлсэн байна. Монгол Улсын Ганкимаду боомтоор дамждаг хоёр гол экспорт нь зэсийн баяжмал, нүүрс. Өөр нэгэн эх сурвалжийн мэдээлснээр Ганц мод боомтоор Монгол Улсын зэсийн баяжмал болон түүхийн эдийн экспорт чөлөөтэй нэвтэрч, байгаа ч нүүрс тээвэрлэлтийг 14 хоногийн хугацаатай зогсоосон аж.

Энэ талаар БНХАУ-ын нүүрсний зах зээлийн томоохон мэдээллийн сайтыг үүсгэн байгуулагч Жао Ян “БНХАУ-ын нүүрсний импортын хамгийн чухал сувгийг 14 хоног зогсоосон нь Монгол, Хятадын аль алиных нь худалдаа, хэрэглээнд төдийлөн нөлөөлөхгүй байж магадгүй” хэмээн мэдээлсэн байна. Мөн үүнтэй холбоотойгоор БНХАУ-ын коксжих нүүрс болон коксжих нүүрсний фьючерсийн үнэ найман хувиар нэмэгджээ.

Эх сурвалж: Global Times