Өнөөдөр буюу пүрэв гарагт БНХАУ “Австрали Улстай хийсэн эдийн засгийн гэрээгээ тодорхойгүй хугацаагаар зогсоолоо” хэмээн мэдэгдлээ. Тус мэдэгдлийн дараа Австрали доллар огцом унасан байна.

2018 онд Австрали Улс Хятадын технологийн “Huiwei” брендийн 5G технологийн ашиглахыг хориглосон явдал хоёр улсын дунд хурцадмал байдал үүсгэжээ. Уг явдлын дараа цар тахал гарахад Австрали Улс бие даан коронавирусийн үүсвэрийг судлах санал тавьсан явдал хоёр улсын харилцаанд муугаар нөлөөлсөн байна. Тэгвэл өнгөрсөн сард Австрали Улс БНХАУ-тай хийсэн “Belt and Road” төсөлд хамтран ажиллах гэрээ хэлэлцээрээ цуцалсан явдал Хятадын эрх баригчдыг “уурыг хүргэсэн” хэмээв.

Харин уг явдалд Австрали Улсын Худалдааны сайд Дан Тэхан “Хятадын уг мэдэгдэлд урам хугарч байна” хэмээн мэдээлсэн байна.