АНУ-ын Ерөнхийлөгч Жо Байден улсынхаа эдийн засгийг сэргээх, хөдөлмөрийн зах зээлийг хөгжүүлэх төлөвлөгөөгөө танилцуулж, үүнд иргэн бүрийг дагаж, дэмжихийг уриалав.

Жо Байден төлөвлөгөөнийхөө хүрээнд цахилгаан автомашиныг цэнэглэх станц, хар тугалгын ус дамжуулах хоолойнуудыг халж, солих зэрэг 2.3 их наяд ам.доллар зарцуулахаар төлөвлөжээ.

Уг төлөвлөгөөгөөр бизнес эрхлэгчдийн татварыг нэмэгдүүлж, эдийн засаг, зах зээлийг дэмжих төлөвлөгөөндөө зарцуулах зардлыг татвараар олох гэнэ.

АНУ-ын шинэ төрийн тэргүүн Жо Байдены уг төлөвлөгөөг Америкийн парламентын хэд хэдэн лобби бүлгүүд эсэргүүцэж буйгаа мэдэгдээд байна. Түүний энэхүү эдийн засгийг сэргээх, хөдөлмөрийн зах зээлийг хөгжүүлэх 2.3 их наяд ам.долларын төлөвлөгөө АНУ-ын Конгрессын хурлаар эцэслэн шийдэгдэх юм.

Эх сурвалж: BBC