АНУ-ын Техас мужийн амбан захирагч Грег Абботт хөл хорионы дэглэмийг цуцалж, амны хаалт зүүхгүй байх боломжтой гэх шийдвэр гаргажээ. 

Тэрбээр “Ирэх долоо хоногоос амны хаалтын дэглэмийг сулруулж, бизнес эрхлэгчид бүх хүчин чадлаараа хэвийн горимоор ажиллана. Одоо Техасын аж ахуйн нэгжийн үйл ажиллагааг 100 хувь нээх хэрэгтэй” гэжээ.

Харин АНУ-ын Ерөнхийлөгч Жо Байден коронавирусийн халдвар хамгаалалтын дэглэмийг мөрдөж, хязгаарлалт хийх зайлшгүй шаардлагатай гэж үзсэн байна. Мөн Мичиган, Луизиана,Миссисипи зэрэг мужуудад мөн амны хаалтын дэглэмийг цуцалжээ.

Жо Байден ирэх тавдугаар сард иргэдээ вакцинжуулж дуусна хэмээн мэдэгдсэн ч халдвар хамгааллын дэглэмийг сулруулах нь буруу хэмээн үзэж байгаа аж.