Мьянмарт цэргийнхэн төрийн эрхийг хүчээр авсанд олон зуун мянган иргэн эсэргүүцэн, улс даяар еc дэх өдрөө жагсаж байгаа билээ. Мьянмарт ням гарагийн оройн 01:00 цагт улс бүхэлдээ интернетгүй болжээ. Ням гарагаас даваа гараг хүртэл цэргийнхэн улс даяар интернет сүлжээг хаасан байна.

Жагсаалын дөрөв дэх өдөр Качин мужид цагдаа нар жагсагчид руу буудсан гэсэн мэдээ ирсэн бөгөөд резинэн сум, эсвэл шууд буудсан эсэх нь тодорхойгүй байна. Одоогоор баривчлагдсан хүмүүс дунд таван сэтгүүлч байна хэмээн мэдээлжээ.

НҮБ иргэдтэйгээ дайн зарлаж байгаа энэ явдлыг буруушаасан байна. НҮБ-ын Мьянмар дахь илтгэгч Том Эндрьюс "Цэргийнхэн цөхөрч эхэлж байгаа тул хариуцлага хүлээлгэх болно" гэжээ.