Мьянмар Улсад цэргийн хүчнийхэн өнгөрсөн даваа гарагт төрийн эргэлт хийж, тус улсын удирдагч Аун Сан Су Чиг баривчлан, хорьсон билээ. Үүнтэй холбогдуулан Их Британиас НҮБ-д суугаа байнгын төлөөлөгч, НҮБ-ын Аюулгүйн зөвлөлийн дарга Барбара Вудворд хоригдож буй Аун Сан Су Чиг суллахыг уриалсан мэдэгдэл хийсэн байна.

      Тэрбээр Мьянмарын цэргийнхэн төрийн эргэлт хийж, тус улсын удирдагч Аун Сан Су Чи, Ерөнхийлөгч Вин Мьин болон Засгийн газрын төлөөлөгчдийг баривчилж, улс даяар онцгой байдал зарласан. Уг хэргийн талаар ардчилсан хуулийг дээдэлж, хүний эрх, эрх чөлөөгөө сахин хүндэтгэх ёстойг сануулсан юм. Гэвч цэргийн эргэлт хийсэн үйлдлийг нь буруутгаж, шүүмжлээгүй гэнэ.