АНУ-ын Филадельфи хотод ээлжит Ерөнхийлөгчийн сонгуульд Бүгд Найрамдах намаас нэр дэвшигч, экс Ерөнхийлөгч Дональд Трамп, одоогийн дэд Ерөнхийлөгч Камала Харрис нарын халз мэтгэлцээн эхэллээ. Мэтгэлцээн 90 минут орчим үргэлжлэх бөгөөд модератораар Дэвид Муир, Линси Дэвис нар ажиллаж байгаа юм. Нэр дэвшигчдийн хувьд дүрмийн дагуу мэтгэлцээнд индэр дээр байх үзэг, цаас, савтай уснаас өөр зүйлгүй оролцох аж.

Мэтгэлцээний дүрмийн дагуу нэр дэвшигчид нэгнээсээ асуулт асуухыг хориглосон ч одоогийн Ерөнхийлөгч Камала Харрис мэтгэлцээнийг албан ёсоор эхлүүлж, экс Ерөнхийлөгч Дональд Трампаас “Та америкчуудын дөрвөн жилийн өмнөхөөсөө илүү дээр болсон гэдэгт итгэж байна уу” хэмээн асуулаа. Тэрбээр “Би дунд ангийн сурагч байхаасаа л Америкийн дундаж давхарга, ажилчин ангийн амьдрал ямар хэцүү гэдгийг мэдсэн. Тийм ч утгаараа энэ бүлгийн ажил, амьдралын түвшинг өсгөх төлөвлөгөөтэй байгаа. АНУ-ын ард түмэн хүсэл тэмүүлэл, мөрөөдөлд итгэдэг. Тиймээс би “Эдийн засгийн боломж” гэж нэрлээд байгаа зүйлийг бодит болгохоор төсөөлж, төлөвлөн ажиллаж байна” гэсэн байна. Харин экс Ерөнхийлөгч Дональд Трамп мэтгэлцээний дүрмээр шууд өөр рүү нь чиглэсэн асуултад хариулаагүй бөгөөд нэр дэвшигчдийн сонгогдсон эхний жил буюу 2025 оны төлөвлөгөө Америкийн эдийн засаг, инфляцийн сэдэв рүү яриаг чиглүүлэв.