Төв Америкаас АНУ-ыг зорьж буй олон мянган цагаачид Гватемалд гацаад байна. Энэ талаар Мексикийн Ерөнхийлөгч Мануэль Лопес Обрадор “АНУ цагаачдын бодлогодоо томоохон шинэчлэл хийх хэрэгтэй. АНУ-ын шинэ Ерөнхийлөгчөөр сонгогдоод буй Жо Байден энэхүү асуудлыг авч хэлэлцэнэ хэмээн найдаж байна” хэмээжээ.

 Гондурас Улсаас АНУ-ыг зорьж буй 7000 гаруй цагаачид Гватемалын хил дээр ирээд буй бөгөөд АНУ-ын хил дээр хүрнэ хэмээн найдаж байгаа аж.

Жил бүр Төв Америкаас АНУ-ыг зорьж хэдэн арван мянган цагаачид ирдэг байна. Тэд хавчлага, ядуурал, хүчирхийллээс үүдэн цагаачилж буй бөгөөд өнгөрсөн арваннэгдүгээр сард Төв Америкт гарсан хүчтэй хар салхины улмаас үүссэн сүйрэл байдлыг улам дордуулжээ.