АНУ-ын Ерөнхийлөгч Жо Байден коронавирусийн халдвар туссаны улмаас сонгуулийн кампанит ажилдаа оролцох боломжгүй болсон талаар Цагаан ордон мэдээлжээ.

       Тодруулбал, Цагаан ордны хэвлэлийн нарийн бичгийн дарга Карин Жан-Пьер “Ерөнхийлөгч Жо Байден коронавирусийн халдвар туссан нь үнэн. Ерөнхийлөгч өмнө нь хоёр тун вакцинд хамрагдаад байсан ч шинжилгээний хариу нь эерэг гарлаа. Үүнтэй холбоотойгоор Ерөнхийлөгч төлөвлөөд байсан сонгуулийн кампанит ажлууддаа оролцох боломжгүй боллоо” гэсэн байна. Ирэх намар болох АНУ-ын Ерөнхийлөгчийн сонгуульд Ардчилсан намаас нэр дэвшиж байгаа Жо Байдены хувьд өчигдөр Лас-Вегас хотод сонгуулийн ажлаа хийсэн бөгөөд дэмжигчидтэйгээ уулзаж, үг хэлэх ёстой байсан ч уулзалтаа цуцлаад байсан нь коронавирустэй холбоотой байсан гэнэ.

Ташрамд дурдахад, өдгөө 81 настай Ерөнхийлөгч Жо Байден энэ удаагийн сонгуульд өндөр настай гэх шалтгааны улмаас рейтинг муу байгаа тухай ажиглагчид онцолж буй. Үүнээс гадна өрсөлдөгч Дональд Трамп нь халдлагад өртсөн ч Бүгд Найрамдах намын хуралд эргэн ирж олны анхааралд өртөөд байгааг одоогийн Ерөнхийлөгч Жо Байден ялагдал хүлээх өндөр магадлалтай болсон гэж таамаглаж байгаа юм байна.