Их Британийн парламентын ээлжит бус сонгуулиар сөрөг хүчин Лейборист нам олонхын санал авч, ялалт байгуулсан. Тэгвэл өнөөдөр парламентын сонгуульд ялалт байгуулсан Лейборист намын дарга, сөр Кейр Стармер Их Британийн Ерөнхий сайдаар томилогдож байна. Харин Засгийн газрын тэргүүний суудлаа өгч буй экс Ерөнхий сайд Риши Сунак намынхаа ялагдлыг хүлээн зөвшөөрч, баяр хүргэсэн гэнэ. Шинэхэн Ерөнхий сайд Кейр Стармер өнөөдөр Букингемийн ордонд очиж, Их Британийн хаан III Чарльзд бараалхаж, тангаргаа өргөх юм байна.

Ташрамд дурдахад, Их Британийн парламентын ээлжит бус сонгуульд сөр Кейр Стармерийн Лейборист нам ялалт байгуулснаар Консерватив намын 14 жил дараалан засгийн эрх барьсан үеийг төгсгөж байгаа аж.