АНУ-ын 46 дахь Ерөнхийлөгч Жо Байден ирэх долоо хоногт албан ёсоор төрийн тэргүүний суудлаа авна. Иймээс тэрбээр цаашид хийх ажил, захирамжийн дэлгэрэнгүй төлөвлөгөөгөө зарлав. Жо Байден тус улсын төрийн тэргүүний суудлаас бууж буй Дональд Трампын гаргасан “Коронавирусийн томоохон голомттой улс руу зорчих, тухайн улсаас ирэх нислэгийг хориглосон” шийдвэрийг цуцалж, иргэдээ татах, гаднын орны иргэдийг буцаах захирамж гаргах аж.

        Тус улсын шинэ Ерөнхийлөгч Жо Байден болон дэд ерөнхийлөгч Камара Харрис нар ирэх лхагва гарагт тангараг өргөж, албан ёсоор ажиллаж эхэлнэ. Харин тус тангараг өргөх ёслолтой холбогдуулан АНУ-д зэвсэгт жагсаал өрнөхөөс сэргийлж, цагдаа, цэргийн хүчнийхэн ажиллаж буй бөгөөд тус улсын нийслэл Вашингтон хотыг үндэсний гвардын 10 мянган цэрэг хамгаалалтдаа аваад байна.