ОХУ-ын Батлан хамгаалахын сайд Сергей Шойгу Аюулгүйн зөвлөлийн даргаар томилогдохоор болсон талаар Кремль мэдээллээ. Тодруулбал, Владимир Путины хамгийн ойрын хүмүүсийн нэг гэгддэг Сергей Шойгуг Аюулгүй зөвлөлийн даргаар томилох Ерөнхийлөгчийн зарлиг гарсан талаар Кремль мэдэгдэж, түүний оронд Батлан хамгаалахын сайдын албан тушаалыг Шадар сайд Андрей Белоусов түр орлох болсон байна. Харин одоогийн Аюулгүйн зөвлөлийн дарга Николай Патрушев хэрхэх тухай мэдээлэл тодорхойгүй байгаа юм.

                                 Өдгөө 68 настай Сергей Шойгуг олон улс Ерөнхийлөгч Владимир Путинтэй хамгийн ойр хүн гэдэг. 2012 оноос хойш Батлан хамгаалах сайдын албан тушаалд ажилласан тэрбээр ОХУ-ын оролцсон хэд хэдэн мөргөлдөөн, дайнд чухал үүрэг гүйцэтгэсний нэг нь Украин дахь цэргийн тусгай ажиллагаа. Мөн зөвхөн Батлан хамгаалах салбараас гадна Сергей Шойгу нь Владимир Путины Сибирь рүү загасчлахаар явахдаа авч явдаг цөөн хүний нэг гэгддэг аж.