Бүгд Найрамдах Турк Улсад болсон орон нутгийн сонгуульд сөрөг хүчин ялалт байгуулжээ. Тодруулбал, улс төрийн 34 намын өрсөлдөж, 206 мянган байранд санал хураасан Туркийн орон нутгийн сонгуульд сөрөг хүчин болох Бүгд Найрамдах Ардын нам ялалт байгуулсан бөгөөд Анкара, Истанбул зэрэг томоохон хотыг хяналтдаа авахаар болж байгаа юм байна. 

                      Харин Бүгд Найрамдах Ардын намын ялалтаар өндөрлөсөн сонгуулийн талаар Туркийн Ерөнхийлөгч Р.Т.Эрдоган “Манай орон нутгийн сонгууль ардчилалд нийцсэн байдлаар явагдлаа. Ардчилал болон ард түмний хүсэл, зориг сонгуульд яллаа” хэмээн мэдэгдэл хийжээ. Сонирхуулахад, Р.Т.Эрдоган Засгийн эрхэнд гарсан 21 жилийн хугацаанд анх удаа сөрөг хүчин ялалт байгуулсан нь өчигдөр болсон тус орон нутгийн сонгууль болж байгаа аж.