Их Британийн Ерөнхий сайдад томилогдож, сар гаруйн хугацаанд албан тушаалаараа ажиллаж буй Лиз Трассыг огцруулах тухай асуудал тус улсын парламентад идэвхтэй яригдаж эхэллээ. Парламент дахь Консерватив намын гишүүд Лиз Трассыг огцрохыг шаардаж, сүүлийн хэдэн долоо хоногт гурав дахь удаагаа парламентын хурал дээр түүнийг эсэргүүцэж байгаа гэнэ.

                        Өнгөрсөн есдүгээр сарын 5-нд Ерөнхий сайдын албан тушаалаа хүлээн авсан Лиз Трассын Засгийн газраас ердөө долоо хоногийн хугацаанд хоёр сайд нь огцроод байна. Огцорсон хоёр сайдын нэг болох Дотоод хэргийн сайд асан Суэлла Браверманыг Засгийн газрын дүрэм зөрчсөн гэх үндэслэлээр албан тушаалаас нь буулгасан. Харин Суэлла Браверманын оронд Консерватив намын даргын сонгуульд Лиз Трасст ялагдал хүлээгээд байсан Сангийн сайд асан Риши Сунакийг томилсон аж.