Украин-Беларусийн хилийн бүсэд ОХУ, Украин Улсын төлөөлөгчдийн дундах хэлэлцээ үргэлжилж байгаа. Гэвч Оросын арми Украин руу довтлохоо зогсоогоогүй байхад өөр улсын хилд уулзалт зохион байгуулж байгаа нь дипломат амжилт уу, аль эсвэл улстөрийн шоу юу гэдэг талаар олон улсын хэвлэлүүд шуурч байна.

-ОХУ, УКРАИНЫ ХЭЛЭЛЦЭЭ-

Хоёр талын хэлэлцээр эхлэхээс өмнө Беларусийн Ерөнхийлөгч Александр Лукашенко Украины Ерөнхийлөгч Владимир Зеленскийтэй утсаар ярьж, аюулгүй байдлыг баталгаа санал болгож байгаа тухайгаа мэдэгдсэн. “Хэлэлцээрийн үеэр Беларусийн нутаг дэвсгэр дэх бүх онгоц, нисдэг тэрэг, пуужин газарт байрлаж, цэргийн техник, хэрэгсэл хөдөлгөөнгүй байхыг Лукашенки бүрэн хариуцна” гэж Зеленскийн хэвлэлийн албанаас мэдээлжээ.

          Олон улсын мэдээллийн агентлагуудын онцолж байгаагаар хоёр талын уулзалт хүлээлт багатай эхэлсэн байна. Украиныг дайнаас гарах боломжит санал ярилцаж байж болох ч, Оросын цэргүүд үргэлжлүүлэн Украин руу дайрч байгаа энэ цагт уг хэлэлцээ тийм ч үр дүнтэй биш байх гэнэ.

Олон улсын шинжээчдийн мэдэгдсэнээр уг хэлэлцээрт ОХУ-ын Ерөнхийлөгч Владимир Путин оролцоогүй бөгөөд хоёр орны удирдагч нар оролцсон дээд хэмжээний уулзалт биш учир энэ хэлэлцээрээс юу ч хүлээх хэрэггүй аж.