ОХУ-ын Ерөнхийлөгч Владимир Путины тушаалаар Оросын арми Украин руу цэргийн хүчээ оруулж, хотууд руу цохилт өгөөд байгаа.

          Тэгвэл үүнтэй холбоотойгоор Япон Улсын Ерөнхий сайд Кишида Фүмио албан ёсны мэдэгдэл гаргажээ. Тэрбээр “ОХУ Украин руу довтолж, олон улсын батлан хамгаалах журмыг зөрчиж, үндсээр нь баллалаа” гэсэн байна. Япон Улс Путиныг Украинаас салан тусгаарлагчдыг зөвшөөрсөнтэй холбоотойгоор ОХУ болон Донецк, Луганскт экспорт, импортын хориг тавьж, Оросын өртэй холбоотой шинэ бонд гаргахыг хориглох тухайгаа мэдэгдэж байв. Харин одоогоор Украинд үүсээд буй нөхцөл байдалтай холбоотой Японы шийдвэр, байр суурь тодорхойгүй байгаа юм.