Украин Улсын хилийн бүсэд ОХУ-ын цэргүүд байрлаж, хурцадмал байдал үүссэнтэй холбогдуулан Украины эрх баригчид 48 цагийн дотор ОХУ-ын талтай уулзалт зохион байгуулах хүсэлт гаргажээ. Албан ёсны хүсэлтэд хоёр орны хоорондын харилцаа, бүтээн байгуулалтын асуудлаар ярилцах тухай тусгасан ч, Оросын цэргүүд хүсэлтийг үл тоомсорлосон гэнэ.

            ОХУ Украины хилийн бүсэд 100 мянга орчим цэрэг байрлуулсан ч, тус улс руу цэрэг оруулах асуудлыг үгүйсгэж байгаа юм. Харин Цагаан ордноос “ОХУ-ын тал хэзээ ч агаарын бөмбөгдөлт хийж болзошгүй” хэмээн анхааруулж байна.

Мөн АНУ-ын “CBS News”-ийн мэдээллээр АНУ ойрын 48 цагийн дотор Киевээс бүх боловсон хүчнээ татаж авахаар бэлтгэж байгаа аж.