БНХУ-ын Ерөнхийлөгч Жовенел Мойсе долдугаар сарын наймны өдөр хөлсний цэргүүдийн гарт амиа алдсан. Тэгвэл үүнтэй холбоотойгоор тус улсын сенат хуралдаж, сенатын есөн гишүүний найм нь дэмжсэнээр сенатын дарга Жозеф Ламбер түр Ерөнхийлөгчийн албан тушаал хашихаар болжээ.

        Хаити Улсын эрх баригчдын мэдээлснээр амиа алдсан Ерөнхийлөгчийг 26 Колумб, хоёр Америк-Хаити гаралтай хөлсний цэрэг хөнөөсөн юм. Мөн хөлсний цэргүүдийн халдлагын үеэр Ерөнхийлөгчийн гэр бүлийн гишүүн, тэргүүн хатагтай Мартин Мойсегийн биеийг хүнд гэмтээсэн бөгөөд өдгөө тэрбээр АНУ-ын Калифорни мужид эмчлүүлж байна.

        БНХУ-ын Ерөнхий сайдын үүрэг гүйцэтгэгч Клод Жосефын мэдээлснээр амиа алдсан Ерөнхийлөгч Жовенел Мойсед хүндэтгэл үзүүлж, энэ ондоо багтаан Ерөнхийлөгчийн сонгуулийг зохион байгуулж, тайван замаар шийднэ гэсэн юм. Тус улсын Ерөнхийлөгчийн болон парламентын сонгууль ирэх есдүгээр сарын 26-нд болно.

Эх сурвалж: Anadolu Agency