ОХУ-ын Ерөнхийлөгч Владимир Путин лхагва гараг бүрийн мэдээллийнхээ үеэр Крым болон АНУ, Их Британийн нөхцөл байдалтай холбоотойгоор мэдэгдэл хийжээ.

       Энэ талаар ОХУ-ын Ерөнхийлөгч Владимир Путин “Дэлхийн III дайн болохгүй. Дэлхийн дайны “босгон дээр” ирсэн байна гэж төсөөлөхөд бэрх юм. Учир нь өдөөн хатгалга хийж байгаа орнууд энэ дайнд ялахгүйгээ мэдэж байгаа” гэсэн юм.

       Тэрбээр ОХУ-ын нутагт дэвсгэрт усан хил дамжин хууль бусаар нэвтэрсэн АНУ, Их Британийн байлдааны хөлөг онгоцыг өдөөн хатгалга гэж үзжээ. Өнгөрсөн долоо хоногтт тус улс руу усан замаар нэвтэрч, дамжин өнгөрөх эрхийг эсэргүүцэж, “Их Британийн тэнгисийн цэргийн хөлөг онгоцыг Хар тэнгист бөмбөгдөнө” гэж анхааруулж байсан.

       Өнгөрсөн долоо хоногт Хар тэнгис рүү нэвтэрсэн Их Британийн Хатан хааны тэнгисийн цэргийн флотод анхааруулга өгөх зорилгоор ОХУ-ын байлдааны онгоцууд анхааруулах буудлага хийж, бөмбөг хаясан юм. Улмаар АНУ, Их Британи, ОХУ-ын хоорон дахь харилцаа хурцадмал хэлбэрт хүрээд буйг судлаачид анхааруулж байна.