Баянзүрх дүүргийн 10 дугаар хороонд мөрийтэй тоглоом зохион байгуулж байсан этгээдүүдийг баривчилжээ.

Тодруулбал, тус хороонд байрлах Улаанхуарангийн 1-181 тоотод иргэн Ж, Т нар бүлэглэн 10 иргэний дунд хууль бус автомат мөрийтэй тоглоомын гурван ширээ ашиглан мөрийтэй тоглоом зохион байгуулж байсан байна.

Эрүүгийн хуулийн 20.17 дугаар зүйлд заасан гэмт хэргийн шинжтэй үйлдлийг илрүүлж, Баянзүрх дүүрэг дэх Цагдаагийн газрын гуравдугаар хэлтэс материалжуулан шалгаж байгаа талаар ЦЕГ-ын Хэвлэл мэдээллийн төвөөс мэдээлэв.