Энэ оны эхний гурван сарын байдлаар 790 удаагийн ахуйн гал түймрийн дуудлага бүртгэгдэжээ. Түймрийн улмаас 27 хүн амиа алдаж, зургаан хүн түлэгдэж, 18 хүн угаартсан байна. Мөн 288 мал хорогдсоны дөрөв нь  бод , 284  бог байсныг Онцгой байдлын ерөнхий газраас мэдээллээ.

Гал түймрийн шалтгаан нөхцөл нь айл, өрхүүдэд ашиглагдаж байгаа зуухны гэмтэл, хэт галлагаа, ил задгай асгасан цогтой үнс нурам, хараа хяналтгүй орхисон бага насны хүүхэд, иргэдийн болгоомжгүй үйл ажиллагаа, зориулалтын бус цахилгааны утасны ашиглалт, цахилгаан хэлхээний хэт ачаалал зэрэг хувь хүний санамсар болгоомжгүй байдлаас үүдсэн байна.

Иймд иргэдэд өөрийн болон бусдын амь, эрүүл мэнд, эд хөрөнгийг  учирч болзошгүй аюулаас урьдчилан сэргийлэх яндангийн цооролт, халалтаас хамгаалах, пийшин, зуухны яндангийн хамгаалалтыг галд тэсвэртэй материалаар хийхийг анхаарууллаа.

Д.Цэдэвсүрэн