Орон нутгийн замд өчигдөр автомашин онхолдож, шатсан ноцтой осол гарч, нэг хүн нас барсан байна. Тодруулбал, Хөвсгөл аймгийн Эрдэнэбулган сумын Удган багт суудлын автомашин онхолдож, шатсан тухай дуудлагыг хоёрдугаар сарын 24-ний 14:55 цагт Онцгой байдлын газарт иржээ. Дуудлагын дагуу тус аймгийн Онцгой байдлын газрын алба хаагчид очиход Түнэл сумын харьяат иргэн 59 настай, эрэгтэй А, 38 настай, эрэгтэй А нар “Териос” загварын суудлын автомашинаар Эрдэнэбулган сумаас Түнэл сумын чиглэлд зорчиж яваад осолдсон байжээ. Ослын улмаас 59 настай эрэгтэй А амиа алдсан байна.