Тээврийн цагдаагийн албаны жижүүрийн шуурхай удирдлагын хэлтэст өчигдөр 206 дуудлага, мэдээлэл иржээ. Үүнээс зам тээврийн ослын шинжтэй 144 дуудлага бүртгэгдсэн байна. Зам тээврийн ослын улмаас таван хүн гэмтэж, гурван хүн амиа алджээ. Тодруулбал, Хан-Уул дүүргийн III хорооны нутаг дэвсгэрт “Doosan SD300N” ковш маркийн автомашин “Mitsubishi Delica”,”Toyota prius” маркийн автомашинуудтай мөргөлдөж, “Toyota prius” маркийн автомашины жолооч Э нас барсан байна. Мөн Баян-Өлгий аймаг Толбо сум II баг Багийн төв гэх газар “Toyota Harrier” маркийн автомашин онхолдож, зорчигч Т, Г нар амиа алджээ.