Нийслэлийн хөрөнгө оруулалтын газрын даргаар ажиллаж байсан С.Цэрэнсодномыг өчигдөр АТГ-аас дайчлан баривчилжээ. Тухайлбал, С.Цэрэнсодномыг Сөүл-Улаанбаатар чиглэлийн нислэгээр ирэхэд нь Чингис хаан нисэх онгоцны буудал дээрээс баривчилсан байна. Түүнийг иргэдээс 200 сая орчим төгрөгийн хахууль авсан байж болзошгүй хэмээн үзэж байгаа аж. Тэрбээр Нийслэлийн Хөрөнгө оруулалтын газарт 2013 оноос хойш газрын орлогч дарга, алба, хэлтсийн даргаар ажиллаж байгаад 2023 оны арванхоёрдугаар сараас тус газрын даргаар томилогдон ажиллаж байгаад чөлөөлөгдсөн байна.