Хөвсгөл аймгийн Политехник коллежийн охидууд нэгнийгээ дээрэлхэж, зодсон бичлэг олон нийтийн сүлжээнд цацагдсан. Тус хэргийн талаар Хөвсгөл аймгийн Политехник коллежийн нийгмийн ажилтнаас тодрууллаа. Тэрбээр “Манай коллежийн охид нэгнийгээ дээрэлхэж, зодсон хэрэг гарсан нь үнэн. Тус хэргийг Хөвсгөл аймгийн цагдаагийн газраас шалгаж байгаа учир тодорхой мэдээлэл өгөх боломжгүй байна. Тус хэрэг 10-аад хоногийн өмнө гарсан” гэв.

   Харин 7077 ХӨА улсын дугаартай автомашин нэгнийгээ зодож буй охидын бичлэгт өртсөн байдаг. Тухайн автомашины жолоочтой холбогдож чухам юу болсон талаар тодруулахад “Манай ахыг таксинд явж байтал хоёр охин сууж, айлын гадаа буусан гэсэн. Буухдаа “буцаж явна шүү хүлээж байгаарай” гэсэн юм билээ. Ах машиндаа хөгжим сонсож байсан учир тэднийг зодолдож байгааг мэдээгүй гэсэн. Гэтэл тэд нэг охиныг цус гартал нь зодчихоод Политехник коллежийнхоо гадаа буусан гэсэн” гэв.