Он гарсаар гэрлийн шон мөргөсөн зам тээврийн ноцтой ослын улмаас гурван хүн амиа алдаж, 16 хүн хүнд гэмтжээ. Хамгийн сүүлд гэхэд л нэгдүгээр сарын 15-ны 03:00 цагийн орчимд Баянгол дүүргийн 20 дугаар хороо, Ажилчдын гудамж, Гурвалжингийн гүүрний “Жаст ойл” ШТС-ын зүүн замд “Toyota Camry” маркийн автомашин замын хажуугийн гэрлийн шон мөргөж, 33 настай эмэгтэй хүнд бэртжээ. Хүйтний эрч чангарч байгаа энэ үед авто замын гадаргуу хэсэг дээр халтиргаа гулгаа үүсэж, өвлийн дугуйтай байсан ч дугуйн барьцалдах чадвар мууддаг учир жолооч та  замын болон цаг агаарын нөхцөл байдлыг харгалзан тээврийн хэрэгслийн хурдыг тохируулан, хамгаалалтын бүсээ тогтмол зүүж, хөдөлгөөнд оролцохыг Тээврийн цагдаагийн албанаас анхаарууллаа.