Эрүүл мэндийн яамнаас коронавирусийн талаарх ээлжит мэдээлэл хийлээ. Энэ үеэр ХӨСҮТ-ийн Тандалт судалгааны албаны дарга А.Амбасэлмаа “Өнгөрсөн 24 цагийн хугацаанд 16854 хүн шинжилгээнд хамрагдсан. Үүнээс 12 хүнээс халдвар илэрсэн. “Мөнххада” компанийн ажилчдын ойрын хавьтал болох гэр бүлийн дөрвөн гишүүнээс халдвар илэрсэн. Мөн БЗД-ийн 17,12 дугаар хорооны оршин суугч, гэр бүлийн найман иргэдээс халдвар илэрсэн. Эдгээр иргэн бүгд тусгаарлалтад байсан.  Улаанбаатар хотод 664 тохиолдол бүртгэгдлээ" гэв.